писатель, публицист, учитель, визначени културно-просвитни роботнїк,
новинар.
Народзел ше 27.10.1909. року у Шидзе як пияте по шоре спомедзи
єденацерих дзецох.
Основну и гражданску школу закончел у Шидзе, а учительску у
Крижевцох (1925-1929).
По закончею школи роби у валалох Бапска, Маркушица..
1931. року приходзи до Руского Керестура и ту остава по 1941. рок.
Ту у Керестуре режира у Аматерским театру, роби як секретар Русинского
народного просвитного друштва, перше културно-просвитне друштво
Руснацох у тедишнєй Югославиї. Тиж так сновал и бул редактор першого
часопису за дзеци на язику Руснацох Бачке й и Сриму под називу „Наша
заградка“.
Од 1941-1952. року бул учитель у Бикич Долу дзе порушал роботу КПД
„Иван Котляревски“.
1952. року одходзи до Нового Саду и там роби як учитель и секретар
КПД „Максим Горки“.
1966. року почина да роби у Радио Новим Саду як аутор и редактор
емисиї „Културна панорама“.
Вон аутор понад 15 кнїжки , аутор є прекладу даскелїх кнїжкох поезиї зоз
українского на руски язик.
Заступени є и у шицких наши антол ґийох и зборнїкох поезиї и прози.
Написал и обявел 8 драми за одроснутих и даскельо дзешатки скечи и
єдночинки за дзеци.
Перша кнїжка „Мой швет“ му видана 1964. року.
Достал припознанє за животне дїло Друштва писательох Войводини
(1982.). Припознанє „Невен“ за животне дїло у обласци литература за
дзеци.
Його шпиванка „Хижочко стара“ постала народна . Тиж так достал и
припознанє „Гаврил Костельнїк“ ( на два заводи) . Грамоту предсидателя
України як и Орден за заслуги трецого ступня тиж зоз України.
Фото: Novinarska Asocijacija Rusina
